Ինչպե՞ս ազատվել ներաճած մազերից. 168.am

Ներաճած մազերի խնդրին կարող է առերեսվել յուրաքանչյուրը: Այս երևույթն ի հայտ է գալիս սխալ մազահեռացման արդյունքում: Ներաճած մազերից խուսափելու համար նախ՝ պետք է մաքրել մաշկն օճառով և ջրով: Ապա անհրաժեշտ է մաքրող սկրաբ օգտագործել, որը կօգնի հեռացնել մաշկի մեռած բջիջները: Բացի այդ, չի կարելի առանց հատուկ գելերի կամ հեղուկների սափրել ոտքերը:

Ձեզ ենք ներկայացնում հայտնի հնարներ, որոնք կօգնեն ազատվել ներաճած մազերից:

1. Շուգարինգի համար շաքարի խյուս պատրաստեք և այն հատվածներում, որտեղ ներաճած մազեր կան, էպիլյացիա արեք: Շուգարինգից հետո մաշկին խոնավ անձեռոցիկ դրեք և թողեք մնա 10 րոպե: Պինցետը սպիրտով մաքրեք և հանեք մնացած մազերը: Այնուհետև լոգանք ընդունեք և կոկոսի յուղ քսեք մաշկին:


2. Անհրաժեշտ է սոդայով և ջրով խյուս պատրաստել: Լոգանքից հետո խյուսը քսեք մաշկին, շրջանաձև շարժումներով մերսեք մաշկի այն հատվածը, որտեղ ներաճած մազեր կան: 2 օր անց կարող եք էպիլյացիա անել:


3. Շաքարային սկրաբները ներաճած մազերի դեմ լավագույն միջոց են: Դրա համար անհրաժեշտ է 2 ճ/գ շաքար, 1 ճ/գ ժոժոբայի յուղ և 10 կաթիլ թեյի ծառի եթերային յուղ:

4. Գլիցերինը և ասպիրինը հավասար չափաքանակով խառնեք, քսեք մաշկին և թողեք մնա 1 ժամ: Ապա լվացեք մաշկն ու մանկական քսուկ քսեք:

5. Կես բաժակ ծովի աղը խառնեք 1 թեյի գդալ նարնջի եթերային յուղով և խոնավեցնող քսուկով: Լոգանք ընդունելիս խառնուրդը քսեք մաշկին և շրջանաձև շարժումներով մերսեք: Վաղենակի թուրմն ու սալիցիլաթթուն խառնեք՝ 1:1 հարաբերությամբ: Վերջում խոնավացնող քսուկ քսեք մաշկին:

Հարցեր, պատասխաններ, մեկնաբանություններ